自己買第一層樓的經歷
對於80後買樓, 就算我地呢D 未讀過大學既80後一樣可以買到樓架, 都係你睇下你肯唔肯努力, 我就有以下一個經歷:
記得2000 年我基礎文憑畢業, 其間一直都有做馬會PART TIME, 一直都係自己食自己,
之後再讀兩年制文憑, 但係讀左一年, 成績其差, 升唔到班,
就係呢個夏天我遇到我一生中最緊要既人, 係我太太, 我當時好有強烈要令她可以幸福既感覺.
但係對於一個學歷不高, 屋企又冇錢既屋村仔, 我可以做D 咩呢??!!
我出來做SALES, 但是我返左 16 日工就決定唔做, 因為我十分不喜歡做SALES,
我又試過申請做差佬, 但就係因為係警察申請時就得到一個好好既經歷,
當時我遞申請表, 個警察冇咩表情咁睇下我寫咩, 之後講"中五畢業, 等一陣啦",
咁我就好乖咁坐下啦, 跟住又有第位人遞表, 個警察一睇之後, 笑晒口咁講"有文憑呀, 好呀等一等好快到",
之後連續幾個都係文憑呀, 高級文憑.
開始發覺要搵一份好D 既工, 係要有一定學歷, 所以我返去 IVE 搵個文憑讀, 因為心中有一團火,
(火頭係我太太, 哈哈), 但係我冇錢只好借 GRANT LOAN 啦, 生活費咪就靠PART TIME 自己養自己,
兩年我用左三萬幾, 不過畢業年份就係2003 年.
呢個年份人人都知係一個十分差既年份, 你大學畢業都搵唔到工, 我呢D 文憑仔又可以點呢.
有人介紹我做份倉務員, 我心裡真係唔知點好, 我讀多兩年書就係要做倉務員??!!
都好過咩都冇得做, 加埋馬會part time 都叫做有$5,600 左右, 係$5,600 呀,
馬會part time 一個月有大既$2,600 (48/hr), 呢份倉務就勁啦, 係荔枝角返 $150 一日 (16.6/hr), 一個月都係得$3,000左右,
有時仲要OT 都係計$16.6/hr, 唔好以為人工低就工作量小呀, 當時真係可以唔洗做GYM 都可以有六塊腹肌,
另外我真係慳到行20分鍾返工, 係20分鐘呀, 我一次都冇搭過車, 因為我唔會咁用我D錢,
$5,600 我都可以儲到小小錢, 因為慳到慣晒啦.
係2004年頭我先轉左一份全職, 月薪有$7,000 但係要輪更返夜, 有$75一晚, 做生產線, 但係一樣咁忙,
其實返夜都幾得意架, 不過都真係幾辛苦, 夜晚唔訓, 日頭訓你估真係咁易??!!
我地好勤力儲錢, 係2004年尾同太太(當時係女朋友) 一齊上95%買左一個居屋自住, 就係咁上左車,
未裝修我地都會上去行下望下摸下, 諗返都好似岩岩發生咁.
但係裝修又要一畢錢, 十二萬呀~~~, 當時真係天文計數字, 我地又死慳死底咁儲呀儲, 2005年3月先叫人裝修,
又叫個師傅唔洗快架, 結果用左差唔多4個月裝修, 我地加加埋埋D BOUNS 呀先岩岩好, 又冇晒啦~~~
我地又要儲錢買稼私電器, 一件一件咁買, 又做分期咁 (最後一件供到07年中呀), 一件一件咁砌我地個家出來, 之後人工都開始加, 供樓都唔係咩問題啦.
你地睇咁耐都唔見我提咩mp3, 手提電話呀咁, 唔好意思我當時跟本唔會去睇同買, 所以我依家都冇提過.
當時都有好多人話我地傻架, 不過就係我地堅持我地信念, 我地先有今日既小成, 所以我好清楚, 好多野唔係個天同政府會比你, 你一定要自己好好去努力過先得.
沒有留言:
張貼留言