2014年9月11日 星期四

用公司買樓和個人買樓分別

1.用公司名義買樓收租,應成立有限公司或無限公司?(費用會否不同?) 
根據法例,只有"自然人"即個人身份及法人"才可以持有物業,所以只有"有限公司"才可以以公司名義持有物業,因為"有限公司"有獨立的法人地位及身份,但"無限公司"卻沒有獨立的法人地位及身份。 

2..用公司名義買樓收租,不計買幾多間,扣除公司每年成本,租金年收入要多少才化算?(無理由得個5千元租金收入都成立公司掛) 
"有限公司"的每年成本約$15,000左右,但有好多支出可以扣除,最大的支出可能係供樓的利息支出,(段估全年利息支出都唔止$15,000啦),重有地租,管理費,維修費,公司營運成本等等,化唔化算,你可以自己衡量一下。 

3.個人名義買樓收租,要交物業稅,公司名義要交利得稅,當然沒有盈利不用交稅,但公司只當樓宇租貸為唯一業務,公司註冊處會批嗎? 
個人名義買樓收租,要交物業稅(全年淨租金收入的15%),公司名義要交利得稅(全年扣除支出後盈利的17%),當然沒有盈利不用交稅,事實上很多很多"有限公司"只以樓宇租賃或投資物業為唯一業務,公司註冊處是一定會批准的,除非公司董事是不合乎"公司條例"的要求,例如破產人仕。 

4.用公司名義向銀行借按揭會否比個人名義買樓困難,息率會否不同? 
用公司名義向銀行借款做按揭,跟個人名義買樓相約,銀行考慮的是還款能力,如"公司"是新成立的,銀行方面可能要董事為公司的借款作個人擔保,按揭利率跟個人名義的非自住物業按揭相約。

網上提供資料如下:-

在香港買樓只可以用私人名義或有限公司名義, 唔可以用無限公司買樓的.

至於用私人名或用有限公司好, 就各有好壞嘞.

私人名買樓
好處: 
1. 如果係買樓自住,供樓利息可以扣稅 (每年最多10萬元, 個人可申請10年);

2. 慳番買有限公司的費用(一次過約六千元), 商業登記費(每年二千幾元), 核數費(有限公司每年報稅要俾核數師核數簽名);

壞處: 
1. 萬一業主的生意失敗俾人追數或發生訴訟俾人要求賠償, 私人名義的物業就第一時間俾人釘契.

2. 如果買樓的人以前有瞞稅, 報唔足稅, 買樓時就會俾稅局問首期的錢喺邊度黎.

3. 如果係買樓收租, 報物業稅只有20%作為開支扣稅,連管理費都唔可扣稅.

4. 如果用私人名義買樓但最終毀約不成交, 個人就會俾人追差價,揹晒上身.

有限公司名義買樓
好處: 
1. 如果係買樓收租的話, 所有供樓的利息支出, 其他開支(裝修費厘印費經紀佣管理費等等)都可以在報稅時作為開支扣晒稅)

2. 對於物業的責任只限於該有限公司的股本, 例如, 如果你用有限公司買樓時, 如果最終你撻訂, 你只係會損失俾咗的訂金, 而唔怕俾人追你差價或要上身;

3. 用有限公司投資物業, 虧損的數可以喺盤數度帶住, 第時賺錢時就將利潤同先前的虧損抵銷,咁就可以減少甚至唔使俾利得稅嘞

壞處: 
1. 首先要俾幾千元買公司, 以後每年都要俾商業登記費, 核數師費, 仲要每年向公司註册處交報表, 俾遲咗又要罰錢;

2. 有限公司結束時, 要向稅局申請,又要核數師做盤收手續麻煩, 做漏咗就有排煩.

問題:

1. 銀行對公司持有的物質做按揭, 同私人持有, 審批會否不同?

2. 在市場上, 公司持有物業會否難甩手? 因為如果我係買家, 我會驚間公司唔知乾唔乾爭, 用乜易隱藏左D負債係度? 我會要間公司出個due diligence report, 對公司黎講都係一筆洗費喎.

另, 公司持有物業當然都會被人追差價, 人地可以入稟告間公司.

網上提供資料如下:-

FOR 出租, 先提一提你:
"有限公司"的每年成本約$10k-$15k,但有好多支出可以扣除,最大的支出可能係供樓的利息支出,(段估全年利息支出不止$15k),另有有地租,管理費,維修費,公司營運成本及折舊等等,你可以自己衡量一下。
但有很多人想和自己的私人名義下的資產獨立, 註冊有限公司都是一個好的選擇。

做銀行按揭以甚麼來批核, 息通常比平常置業高多小?
用公司名義向銀行借款做按揭,跟個人名義買樓相約,銀行考慮的是蕫事股東的還款能力,如"公司"是新成立的,銀行方面可能要董事為公司的借款作私人擔保,按揭利率跟個人名義的非自住物業按揭差不多,永亨都算是最底吧,但有相熟銀行經理相信可以再低一點吧。 

注意事項, 稅率分別:
個人名義買樓收租,要交物業稅(全年淨租金收入打個8折再以15%抽稅),公司名義要交利得稅(全年扣除支出後盈利的16.5%),當然沒有盈利不用交稅。

其他好處:
如果那間公司只發出HK$1股份:
A)在抄樓時, 雙方投資者只需同意賣買公司股份便可,但是要買方肯TAKE RISK要你間公司才可,一般用家不會,只有專業投資者才接受,但涉及很多法律相關問題,詳細你可問某些大地產公司的法律CONSULTANT吧又或出名攪物業的律師樓。
B)在抄樓花時,未上會前便樓價大跌,首期全蝕突時,可以把公司清盤,只蝕首期而不需怕被地產商追差價 

用兩蚊股本註冊一間有限公司,
自己係股東兼執行董事.
向自己及銀行(100 %銀行會要求個人擔保)借夠 1 千萬買樓.
好處...吃喝玩樂有單就可入數,可支人工,醫療津貼,出國考察(即係旅游),
自己房屋津貼,購買家俱,買 iphone,ipad等,買車,子女教育津貼及供樓銀行開支全部都可報營運開支.
樓價標升時仲可以玩吓豪裝(只供識玩人仕).
賣樓時只係有限公司股權轉讓,交 兩股股票印花稅款(比樓宇轉讓印花稅可能少幾十萬.
壞處....攪間有限公司要比 7 仟多元開業,每年要搵會計師做年報呈交稅局,
加埋商業登記費,每年固定開支最少 6-9仟元.
賣樓時比較麻煩,要搵會計師做好多嘢,預比幾千至萬多元會計師賺.
樓價升好多時要交利得稅.

沒有留言:

張貼留言