2014年9月1日 星期一

財不入急門

財不入急門

2010/6/28 下午 02:04:16
網誌分類: 估下股下

2009年初,日日對住個電腦黎炒股,由開市睇到收市,日日都有出出入入。曾經在幾個星期搵過百萬,又在一個星期內唔見左成百萬。果陣我鐘意玩D 二、三、四、五、六...線既當炒股,貪佢夠晒大波幅,好鬼激!  不過賺賺蝕蝕總括黎講都係得個吉。2009年中以後轉向投資樓市,已大幅減少在股票市場出入次數,只投資在幾只股票身上作長線投資/投機。原來中、長線投 資收益比日日炒股黎得更輕鬆,增長仲唔錯添,但手上投機型既股票就........哎...唔好提~!

依 家手上持股比較重既有兩只,一只係派高息既零售股。到上星期五收市股價比我買入平均價都升左一倍有多,而且公佈左在8月會派末期息加特別股息。以現價同埋 今年全年派息計,總派息有 9.24%。唔計特別股息都有5.2%回報。呢鑊真係財息兼收~!  但唯一唔好處係成交量唔多,有時等錢用要賣股吐現都走唔到,所以一直唔敢再增加持股數量。

而另一只持貨量多既股價係國內銀行股係今年年初 先開始買入,相對我買入價股價升幅唔大,但係抗跌力好強,早幾星期大跌市,呢只野相對跌得少。7月就會派息,以現價計呢一轉派息都有3.5%左右。呢只股 有個好處係成交大,吐現容易,而且好穩陣,穩陣到個價唔係點升~! 

另一只持有投機既股仔就大鑊,呢只係炒股,冇業積、冇派息,我買佢既 原因都係想投機炒下搵快錢,結果股價跌左一半我都冇去止賺蝕,早幾個月仲停埋牌添~!  依家唯有等運到。

總括黎講,由舊年年中轉投樓市 開始計,我股票投資既部份係OK成功,但係投機部份就全部PK晒~!  好彩投機部份唔太多,唔入肉,而投資所賺既都夠COVER投機既損失,總算萬幸。

原 來投資在越悶既股票越易賺錢,反而搏一搏投機在精彩既炒股身上最終都係死路一條,就算唔衰呢只都會衰第二只。財不入急門,投資要慢慢慢~!  黎緊得閒D會重組下股票範疇既投資組合,將大部份資金投資在高派息股/藍籌股,以製造Passive Income 為大方向。

我相信自 己戒唔到投機,所以黎緊投機部份只會以玩樂性質進行,只將極極極極小部份資金以放地 雷方式小量買入幾只具爆發力(炒)既股票,滿足下自己投機既欲望當娛樂算數~! 唔再大額投機。更要不時提醒自己,"財不入急門,財不入急門!!"

沒有留言:

張貼留言