2014年9月10日 星期三

心態決定命運,我不買股票

有時命運就係弄人架啦!如果第一日大家都like左上一篇,唔好等人like夠,咁其實應該過百架啦!但係就係因為有D人o既心態,連電腦都睇唔過眼,竟然short左!經Paco搶修完都救唔返,大家唯有再like過啦!總之過百我就出文,決不食言!

宜家係15/1/2014 23:50 上一篇92 like,呢篇116 like!

 

天意要我出,唯有未夠都出啦!

早前手痕痕又走去買股票,係10月23號$1.58買入 Tom 集團(2383),係呢幾個月完全體會到呢十幾年買唔到樓的人其實係咩心態! 我買入就好似97咁,一買左就跌 29/10 $1.32(-16%),如果係諗住炒咪驚到瀨,但點知唔夠兩星期升返去$1.72(升返41%),個心即刻好返晒!重要讚自己好在無止蝕!重覺得自己係股神添!重即刻分析下個圖表,入多注添!點知一入係 2/1/2014 跌到 $1.15(高位回落33%),呢次重唔PK鳥!但又唔敢入多注,唔夠幾日又去返$1.45(嘩!又升返26%),真係心血少D都激死左!  以上o既心態係咪好似你呢?係呀!就係你!成日想上車,又驚上得貴,其實自住唔係計貴唔貴,係計負唔負擔得到,好似施生話齋,因為政策影響左供求,個價根本反影唔到個實際價格,係係人都話貴的時候,我同施生都重係覺得平,點解?溫下書啦!好啦!如果你覺得貴唔買,就好似我咁由1.08睇到1.72你就更加唔會買,咁你就會望佢跌啦!咁跌幾多買呢?好啦!跌三成買啦!但係到跌三成,你又夠唔夠膽買呢?嘩!三成都跌得,會唔會重有得跌呢?不如再等下先啦!點知又反彈返去1.45啦!點算呢?1.15唔買,宜家升左咁多買唔買好呢?就係咁一個又一個循環,你永遠都唔會買到樓!正如我呢個心態,永遠都贏唔到股票一樣!所以我都係唔買股票為妙,而你亦都係準時交租,希望業主加少D,如果佢真係加得少,又要望佢長命百歲,長命過你,唔係佢一死我驚你重傷心過佢D後人! 今日18/1/2014 收市價1.85,單日上升了33%,就如金融海嘯後,樓價彈升,錯過了入市時機,今天應該怎樣做呢?我想再等它下跌回$1.45就會再買啊!但是真的有機會嗎?再有這一天的話,我又會買嗎?如果是你?你又會怎樣呢? 命運又再一次弄人,如果早幾日夠100like,我這篇文出左,可能大家也會捕足到這次機會,就如當年有緣看到我blog的朋友一樣,不過有時命運就是決定在你的心態,希望大家以後會有進步吧!

沒有留言:

張貼留言