2014年9月2日 星期二

Sk投資學神細單位開始

SK投資舊樓

 

早幾日喺財叔個Blog見到Blog友SK 刊登左佢加按物業再買樓投資收租,呢個係一個好成功既投資例子,所以轉載黎同大家分享下。另外我都幾鐘意個裝修,好簡潔,有種好舒服既感覺。

by SK @ 2010-06

用195萬買咗個灣仔實用三百幾呎嘅單位,全間屋拆散再做,裝修連家電我用咗 16萬,剛剛上星期五租出,月租$14,400。 回報認真和味

層樓喺集成對面,係舊年12月頭買嘅,業主叫208萬,已放咗盤2個月,因為對上2個成交單位都喺 180萬同185萬。 睇樓嗰日係星期五,杜拜啱啱爆煲,氣氛幾差,大拿拿200萬對我等低收入人士係好多錢啊,一于問財叔有乜意見。 佢話喺灣仔實用面積有三百幾呎、平地lift、十幾樓、唔洗200萬都算ok啦,遲啲咁嘅價位買唔番嘞。 於是第二日叫agent還195萬,即成。 1月中收樓,但因過年,要到3月頭先至開到工,5月中完成,放租盤3個禮拜租出。

起初我都唔明財叔點可以買咁多樓,後來先知係番按。 要攞啲老本再買多層樓就真喺要認真諗過,但係可以用other people's money就唔同講法。 我從來冇諗過番按層樓因為都差唔多供完。 於是跟財叔嘅指導,同銀行番按借咗340萬,月供唔洗12,000,依家有2個單位收租,扣埋差餉管理費,有成六千蚊落袋,重多咗2層樓喺手,感覺從未如 此良好,但我會時常告介自己這不過是小成績,不可似驕傲,it's still a long way ahead。 再次多謝財叔嘅無私奉獻!
















-------------
學神:
睇完SK既文章之後,我有D問題問佢,我既問題如下:  

我想問下你既雪櫃同洗衣機係咩MODEL?  係咪已經格過晒價最抵用或有其他原因? 因為我未試過包雪櫃、洗衣機,咁第日有機會裝比租客我可以照抄,不用去左睇右睇,哈~!.. 懶爆~!

 
另外,想問下廚房盤花係咪流野?  有冇番番比租客,定係留番下次當道具? 哈~

 
另另外,上圖我見爐頭右邊有條隙,係未整好定係有其他原因?  我見左邊個升盤邊又唔覺有隙,所以好奇想問下~!

另另另外,好奇想問下呢幾個櫃係真定假? 門出面樓底好高下,唔似有櫃。

------------------

by SK @ 2010-06
我邊有咁酲,不個勝在唔怕醜乜都問,財叔同個 agent比我煩到嘔,買嘢貼士由財叔提供﹕傢俬電器(冷氣機除外)去直銷中心買、冷氣機就去豐澤。  機本上買最平就算(但都唔好太樣衰),洗衣機、電爐頭、抽油烟機牌子係嘉榮華,雪柜係海信,電熱水爐係朗高圓筒型收咗上浴室嘅天花,咁就慳咗啲位。電視 機、電視柜、梳化喺朋友俾,因為我完工時佢啱啱要離開香港,咁就有啲免費嘢用,喺怡家買個新梳化套成張梳化就全新一樣嘞。

盤花係真假混合, 花係假嘅,但係加咗啲石春同水,咁就有真嘅元素嘞,於是整體望埋去就覺得幾真。盤花係搵食架撐,一於拎走留番下次用。 個廚櫃檯面太大,一定要分兩件先入到,本來呢啲人造石可以用機磨平就冇條隙好似原整一件,個判頭又話唔識做,叫人做佢又話貴,唔夠價,怕咗佢嘞,等佢打髎 就算數收貨囉,等第時個檯面再花啲嗰陣時先至叫師父一次過做好佢。間房隔離就係浴室,而浴室又用假天花,head room 有成19吋,見層樓咁細都冇乜地方儲物,偷咗呢個位造一行吊柜就好啲啦,起碼第時唔掂返嚟痞都有定擺嘢呀。

有時我覺得做啲嘢出嚟連自己都唔 鍾意,又點會期望其他人會鍾意呢,所以起碼都要過得自己,不過遲啲如果重有機會再咁做落去,可能都唔會堅持呢。 個裝修判頭成日話喺灣仔冇人用呢啲顏色(牆身係灰色)、磚面要光身,廚櫃冇人咁造,諸多借口,都係想方便佢自己,我地一於堅持,裝修完佢自己都話效果幾 好,真係比佢吹漲。

買呢個單位時都係諗住收九千至一萬左右,因為加埋翠屏嘅租就夠供樓雜費,重有少少剩已經好開心啦。 層樓係喺軒尼斯道,租客係英國人。 因為已經番按自己層樓,買呢個單位唔洗做按揭。

阿火:

我地借Hibor,利息會加減,跟Hibor走,但有個CAP封頂。

呢個灣仔單位唔係我咖~! 係財叔個BLOG既其中一位BLOG友SK。
我見佢呢個CASE好正,所以咪轉載黎留番日後睇。呢個單位SK
同佢太太都花左唔小心機去攪裝修、設計。抵佢成功~!

我唔識玩股票,次次都係股票玩我! 我依家心得係唔好投機,
搵D好悶既收息股黎買,買左就唔好睇咁多,唔好出出入入。
網上有好多股票專家,你可以參考佢地,我係門外漢咋~!

阿火  2010/6/28 16:56:28  

明白, 真係唔洗$12000, 係唔係全期都係2%息左右, 唔會加or減? fixed rate?

你都幾厲害, wanchai個單位可以o甘高價出租到, 你好似平時都會投資股票? 有咩心得呢? 請指教下..thanks!!

 

投資學神  2010/6/27 23:53:0  

火兄:
樓價 3.05M X 70%, 18年 
ICBC, H+1.5%; Cap = P-2.8%
你以2%息去計一計,供款不用$12K

阿火  2010/6/27 19:24:28  

HIHI..投資學神,

睇左你既CASE, 好厲害呀!..請問點解你借左340萬, 但月供唔洗12000既?

邊間銀行做按呀?條數點計呢? 謝謝指教!

 

 

投資學神  2010/6/20 1:51:50  

Mildred,
如果我選擇出租,全部都會有6%以上回報~! 不過我想換番出市區!
箇中原因財叔已經點醒左我好多次~! 銀行估唔到價係最大既敵人。

其實屯門果度如果肯執小D走,已經全部走晒~! 就算依家放盤都
一定有得執~! 不過我同拍檔都想貪心D,呵呵~!  
屯門有部份已經走左貨,賺到既錢已經夠養活D樓仔好耐好耐。
果堆樓仔最大既得著反而係對裝修既經驗值升呢左好多~!
但係我好肯定已經損失左唔少機會成本!

Mildred  2010/6/19 13:15:58  

財叔,其實我已睇晒你的文章,只不過見到有實例 (SK28的灣仔,學神的屯門),一比較就更加明白。當然,學神的屯門如果是放盤, 一定冇問題 (可能已賣出?!)

 

投資學神  2010/6/19 0:50:3  

財叔:
呢度唔係隔離班播,呢度只係課外活動既興趣小組,大家hea下~!
你睇我D理論都係"財"字派~! 呵~呵~!  我仲有好多野要跟你學~! 

財務自由人-財叔  2010/6/19 0:37:19  

Mildred:你提出呢個問題好顯係未睇過晒我所有文章啦!哈哈!重唔比我過隔離班捉到你!哈哈哈

投資學神  2010/6/18 10:51:6  

Mildred:
係丫,財叔又講....灣仔樓可以叫兩飛,收租之餘又可以搏收購。
如果單純做買賣,灣仔區買家好有食力,估價唔到一樣照買~! 

劉翹翹:
我有次跟左財叔灣仔睇樓團,成十幾廿人一齊去睇,都幾得意~!
不過類似既睇樓團短期內應該唔會再有。灣仔我都只係睇過2-3次,
都要等財叔帶路。

2000hoho:
多謝你先~! 其實已經唔算最好,因為budget所限,有D野做唔到,
例如換窗...。

學神,昨天睇你那個單位,真的好靚,個廳和個廚房真的無得頂。多謝曬!

劉翹翹  18/6/2010 10:25:34  

學神兄,比你咁講一講...就算錢唔夠都想去灣仔搵舊樓^^!真心問話,如果你地有搵樓團可唔可以帶埋我去?

Mildred  18/6/2010 6:34:56  

學神兄: SK28 的成功例子, 相信是灣仔區的租客實力夠 (背後有公司津貼,不用自已比), 同埋租客心理覺得賺咗,全新裝修16萭,每月比多5仟租,有著數啦.

相反新界區的租客,租金食自已.即使有裝修,都不會比多50%租金.最多多20%和易租出.計落裝修費搬到那個區都是一樣,但租金的 Premium 就差太遠.

這課很重要,獲益良多.

現在明白財叔點解叫你轉戰灣仔區啦!

投資學神  18/6/2010 0:38:24  

80後,Mario:
SK個裝修都好值得參考

香港福島:
多謝晒~! 2星期後有新作品出街,係1開11既迷你寫字樓單位。

沒有留言:

張貼留言